د درسي کتابونو کمښت او نشتوالی د افغانستان په پوهنتونونو کې د عمده ستونزو له ډلې څخه ګڼل کېږي، چې محصلین او استادان له ډېرو ستونزو سره مخ کوي. دوی زیاتره نویو معلوماتو ته لاسرسی نه لري او له زړو کتابونو او چپتر نوټونو څخه ګټه اخلي، چې په بازار کې په ټیټ کیفیت چاپ او وړاندې کېږي.
د ستونزو د حل لپاره موږ کولای شو، چې په ګډه درسي کتابونه چاپ او محصلینو ته ورسوو.
د دې لپاره چې ستاسو موافقه تر لاسه کړو، د کتاب چاپولو د غوښتنې فورمه ډکه (خانه پُري) کړئ. په یاد فورم کې ستاسې د کتاب نوم په پښتو/دري او انګلیسي ژبو ذکر کېږي. همدارنګه د اړیکې شمېره او ایمېل آدرس مو هم باید ذکر شي. د لیکوال لاسلیک، د اړوند ډیپارټمنټ لاسلیک او مُهر، د پوهنځي او د پوهنتون د ریاست لاسلیک او مُهر باید هر یو طی مراحل او تایید شي.
که چېرې تاسې د پوهنتون استاد یاست یا په بهر کې ژوند کوئ، نو هغه ټکي چې ستاسې اړوند دي، خانه پري کړئ او پاتې نور یې موږ خانه پُري او طی مراحل کوو.
په پای کې باید وویل شي، چې زموږ لخوا چاپ شوي کتابونه ټول په وړیا توګه د هېواد ټولو دولتي او خصوصي پوهنتونونو ته وېشل کېږي.