د جرمني – پښتو ستر قاموس کتاب د ډاکتر اکرم ملکزي لخوا لیکل شوی دی.
په دې قاموس کې څه نا څه څلوېښت زره جرمني لغات په پښتو ژبه معنا او تشریح شوي دي. د ځینو لغاتو معناګانې له لسو نه هم ډېرې دي. د نومونو په څنګ کې د هغوی جنسیت، مفرد او جمع، د فعلونو په څنګ کې د هغوی پخواني وختونه یاد شوي دي.
د ځینو لغاتو تر څنګ داسې جملې لیکل شوي دي، چې د لغاتو بېلابېل حالتونه څرګندوي. له عادي جملو سربېره د ځینو لغاتو سره متضاده او مترادفه بڼه، شعرونه او متلونه راغلي دي.
دغه راز د یو شمېر هغو بهرنیو لغاتو تلفظ هم راوړل شوی دی، چې په جرمني ژبه کې یې د ویلو ډول غیر معمول دی.
دا کتاب په جرمني کې د Eroes کورنۍ یوې خیریې ټولنې (د افغان ماشومانو لپاره د جرمني کمېټه) لخوا تمویل شوی دی او همدارنګه اداري او تخنیکي چارې یې د افغانیک لخوا ترسره شوي دي. تا سوکولای شئ دغه کتاب له آمازون څخه ترلاسه کړئ.
